Robbie Burns

A Man's a Man for a' That

Is there for honest Poverty
That hings his head, an' a' that;
The coward slave - we pass him by,
We dare be poor for a' that!
For a' that, an' a' that.
Our toils obscure an' a' that,
The rank is but the guinea's stamp,
The Man's the gowd for a' that.

What though on hamely fare we dine,
Wear hoddin grey, an' a that;
Gie fools their silks, and knaves their wine;
A Man's a Man for a' that:
For a' that, and a' that,
Their tinsel show, an' a' that;
The honest man, tho' e'er sae poor,
Is king o' men for a' that.

Ye see yon birkie ca'd a lord,
Wha struts, an' stares, an' a' that,
Tho' hundreds worship at his word,
He's but a coof for a' that.
For a' that, an' a' that,
His ribband, star, an' a' that,
The man o' independent mind,
He looks an' laughs at a' that.

A Prince can mak a belted knight,
A marquis, duke, an' a' that!
But an honest man's aboon his might –
Guid faith, he mauna fa' that!
For a' that, an' a' that,
Their dignities, an' a' that,
The pith o' Sense an' pride o' Worth
Are higher rank than a' that.

Then let us pray that come it may,
As come it will for a' that,
That Sense and Worth, o'er a' the earth
Shall bear the gree an' a' that.
For a' that, an' a' that,
It's comin yet for a' that,
That Man to Man the warld o'er
Shall brithers be for a' that.
Robert Burns

 

I don't really celebrate it, mostly because I don't really like haggis

I should do, since I come from the town where he last lived and is at rest - loads of links to Rabbie Burns peppered around the town.

 

Tae sprinkle in a'tween the bedsheets o' Englishmen [emoji3]

Freedommmmmm! And a' that..........